مقبوضہ کشمیر سید علی گیلانی گرفتار شبیرشاہ نظربند

دونوں رہنمائوں کونماز جمعہ کی ادائیگی سے روک دیا گیا،جموں کشمیرڈیموکریٹک پارٹی کی مذمت. فوٹو : فائل

---

مقبوضہ کشمیر میں بھارتی پولیس نے بزرگ کشمیر ی حریت رہنما سید علی گیلانی کو گرفتار جبکہ کل جماعتی حریت کانفرنس کے سینئر رہنماشبیر احمد شاہ کو گھرمیں نظربند کر دیا ہے۔

کشمیر میڈیا سروس کے مطابق سید علی گیلانی نماز جمعہ ادا کرنے کے لیے گھر سے نکلے تو بھارتی پولیس کی بھاری نفری نے انھیں گرفتار کرکے ہمہامہ پولیس اسٹیشن میں نظربندکردیا۔ شبیر احمد شاہ کی پارٹی جموںوکشمیر ڈیموکریٹک پارٹی کے تر جمان نے ایک بیان میںشبیر احمد شاہ کی گھر میں نظربندی اور انھیں نمازجمعہ ادا کرنے سے روکنے کی شدید مذمت کرتے ہوئے اسے مسلمانوں کے دینی معاملات میں مداخلت قراردیا ہے۔ انھوںنے کہاکہ قابض انتظامیہ حریت رہنمائوں کوسیاسی انتقام کانشانہ بنارہی ہے۔