شاہدہ منی رمضان المبارک میں نعتیہ البم ریلیز کریں گی

کافی نعتیہ کلام اور ان کے وڈیو مختلف چینلز سے آن ائیر بھی ہوچکے ہیں ، شاہدہ منی۔ فوٹو: فائل

---

گلوکارہ شاہدہ منی نے رمضان المبارک میں نعتیہ کلام پر مشتمل آڈیو وڈیو البم ریلیز کریں گی وو ان دنوں مذکورہ البم کی نعتوں کی ریکارڈنگ میں مصروف ہیں۔

پرائیڈ آف پرفارمنس گلوکارہ نے بتایا کہ ابھی تک کافی نعتیہ کلام گائے اور ان کے وڈیو مختلف چینلز سے آن ائیر بھی ہوچکے ہیں مگر نعتیہ کلام کا یہ پہلا سولو البم ہے جس کو ماہ رمضان المبارک کے لیے تیار کیا جارہا ہے۔ انھوں نے بتایا کہ نصف سے زیادہ کلام ریکارڈ کرلیے گئے ہیں اور ایک دو روز میں البم کی ریکارڈنگ مکمل ہوجائے گی ۔ انھوں نے مزید بتایا کہ اس البم کی تمام آمدنی غریب اور مستحق افراد میں تقسیم کی جائے گی کیونکہ یہ برکتوں اور رحمتوں کا مہینہ ہے جس میں ہمیں دل کھول کر غریب ، نادار اور یتیم لوگوں کی دل کھول کا مدد کرنی چاہیے۔