پاکستانی کبوترجو لوٹا تو ’غازی‘ وگرنہ ’شہید‘

جدید ڈیجیٹل دنیا، سیٹلائیٹ، ڈرون طیارے، انٹرنیٹ کے باوجود پتھروں کے پجاری ابھی تک پتھر کے دورکی سوچ ہی رکھتے ہیں۔

محمد نعیم June 01, 2015

کبوتر کی رہائی کے حوالے سے تو باقاعدہ طور پر آواز اٹھائی جا ہی رہی ہے، ساتھ ساتھ شرم کرو حیا کرو ہمارا کبوتر رہا کرو کے مطالبات سامنے آ رہے ہیں۔

KARACHI: سنتے آئے تھے اصل معبود کی عبادت چھوڑ کر ہر انوکھی چیز کو خدا سمجھ لینے والے عقل سے پیدل ہوتے ہیں، لیکن اب یقین آ گیا ہے۔ حماقت ایسی ہوئی ہے کہ ایک دو ملکوں میں نہیں پوری دنیا میں رسوائی ہو رہی ہے بلکہ جگ ہنسائی کی بات ہے۔ جدید ڈیجیٹل دنیا، سیٹلائیٹ، ڈرون طیارے، انٹرنیٹ، ان سب کے باوجود پتھروں کے پجاری ابھی تک پتھروں کے دور کی ہی سوچ رکھتے ہیں۔

کہتے ہیں کہ کمان سے نکلا ہو تیر اور زبان سے نکلی ہوئی بات واپس نہیں آتی، بھارت کی جانب سے پاکستانی جاسوس کبوتر کی گرفتاری کی مضحکہ خیز خبر منظرعام پر آتے ہی، سب نے اُسے آڑے ہاتھوں لیا۔ سوشل میڈیا پر بھارت کی روایتی بزدلی کو ایک کبوتر کے ساتھ جوڑا گیا۔ کبوتر کے اتنے تذکرے ہو رہے ہیں کہ اگر بھارتی قید سے رہائی کے بعد باقاعدہ طور پر اُس کو پاکستان کے حوالے کیا گیا تو عین ممکن ہے کہ پاکستانی عوام اس کے لیے کسی سرکاری یا فوجی اعزاز کا بھی مطالبہ کر دیں۔ کبوتر کی رہائی کے حوالے سے تو باقاعدہ طور پر آواز اٹھائی جا ہی رہی ہے، ساتھ ساتھ شرم کرو حیا کرو ہمارا کبوتر رہا کرو کے مطالبات سامنے آ رہے ہیں۔

شرم کرو حیا کرو
ہمارا کبوتر رہا کرو
— Ammar Masood (@ammarmasood3) May 30, 2015

پاکستان میں سوشل میڈیا صارفین نے اِس موقع پر شاعری کے جوہر بھی دکھائے اور کئی سوشل میڈیائی شاعروں نے کبوتر کی شان میں قصیدے کہے اور بھارت کی ہجو کی۔
اس موقع پر گردش کرنے والی چند شعر نما ٹویٹس ملاحظہ فرمائیں۔

بڑا دشمن بنا بھرتا ہے جو اک کبوتر سے ڈرتا ہے!

اقبال کے شاھین سے لرزتا ہے زمانہ
کبوتر سے بھی جو ڈر جائے اسے بھارت کہتے ہیں..

خود ہی تو بلا رہے تھے کبوتر کو...
کبوتر آ ...کبوتر آ

بھلا ہو ہندوستانی میڈیا کا جس نے جاسوس کبوتر کی گرفتاری کے بعد فالو اپ کے طور پر مزید خبریں جاری نہیں کیں۔ وگرنہ خبریں کچھ اس نوعیت کی ہوتیں۔

پاکستان کی بڑی جہادی تنظیم لشکرطیبہ نے جاسوس کبوتر کو بھارت بھیجنے کی ذمہ داری قبول کر لی ہے۔ نامعلوم مقام سے لشکر طیبہ کے ترجمان نے بھارتی میڈیا کو دھمکی دیتے ہوئے کہا ہے کہ اگر بھارت نے کشمیر آزاد نہ کیا تو وہ اس طرح کے مخبری کرنے والے آئندہ بھی بھیجتے رہیں گے۔

اسی اثناء کسی بھارتی چینل کو ایک ایسی تصویر یا فوٹیج مل جاتی جس میں مظفرآباد یا مرید کے میں اس کبوتر کو تربیت کرتے ہوئے دکھایا جاتا۔ جبکہ بھارت کے انگریزی چینل اس موقع پر ملک کے مایہ ناز ماہر حیوانیات ڈاکٹرز اور سائنسدانوں کو بلاتے اور اینکرز سے ایسے سوال کرتے کہ،

پاکستان نے کبوتر بھیج کر جو بھارت دشمنی کا مظاہرہ کیا ہے۔ آپ کیا سمجھتے ہیں پاکستان اس انداز میں بھارت پر کوئی کیمیائی یا حیاتیاتی حملہ کرنے کی تو سازش نہیں کر رہا؟

اس دوڑ میں ہندوستان کے مقامی اخبارات بھی پیچھے نہ رہتے اور مختلف پاکستان مخالف ہندوستانی تنظیموں کی جانب سے احتجاج کی تصاویر اورخبروں کو نمایاں طور پر پیش کرتے، جن میں بی جے پی، آر ایس ایس و دیگر جماعتوں کی جانب سے جاسوس کبوتر کو پھانسی دینے کا مطالبہ کیا جا رہا ہوتا۔ احتجاج کی تصاویر میں ایسے پوسٹرز دکھائے جاتے جس میں کبوتر کے گلے میں پھندا ڈالا گیا ہوتا۔ کچھ مقامات پر اس جاسوس کبوتر کے علامتی پتلے بھی نذرآتش کرکے احتجاج کیے جانے کی خبریں بھی موصول ہوتیں۔ جبکہ بعض ہندوستانی نیوز ویب سائٹس کبوتر سے ہونے والی تفتیش اور اس کی جانب سے کے گئے اعترافات کی خبریں جاری کرتے۔

تصویر کی آنکھ سے دیکھنے والے ایک سوشل میڈیا صارف نے اس کبوتر کو کچھ اس طرح کا جرم قبول کرتے ہوئے دیکھا۔

https://twitter.com/WhatTheSach/status/604315240650674176

پچھلے کچھ دنوں سے بھارت نے جو کئی سال سے پاکستان میں تخریب کاری کی آگ جلا رکھی ہے، وہ بے نقاب ہونا شروع ہوئی تھی۔ فاٹا اور بلوچستان سمیت پاکستان کے اہم شہر کراچی میں کچھ ایسے واقعات رونما ہوئے جن میں بھارت خفیہ ایجنسی ''را'' کے ملوث ہونے کی خبریں سامنے آئیں۔

ایسے موقع پر جب بھارتی سازشیں پاکستان دنیا کے سامنے بے نقاب کر رہا تھا تو ہندوستان کیوں پیچھے رہتا؟ اُس نے بھی تو پاکستان کے سر کوئی الزام تھوپنا تھا۔ جب کچھ بھی نہ ملا تو بھارتی سیکورٹی ایجنسیز نے بوکھلاہٹ میں کبوتر کو ہی پاکستانی جاسوس بنا ڈالا۔

آخر میں بھارت کی ساری بوکھلاہٹ اور خوف ختم کرنے کے لیے ایک مخلصانہ مشورہ۔
بھارت اگر چاہتا ہے کہ اسے کوئی پرندہ یا جانور جاسوس نہ لگے، نہ ہی اسے کوئی انسان آتنگ وادی لگے تو اس کے لیے کچھ کام کرنے ہوں گے۔

جیسے اہل کشمیر کو اُن کی خواہش کے مطابق آزاد زندگی گزارنے کا حق دینا ہوگا۔ بھارت میں موجود اقلیتی مذاہب کے پیروکاروں کو زبردستی ہندو بنانے کی مہم روکنی ہوگی اور اُن پر مظالم کا باب بند کرنا ہوگا۔ پڑوس میں موجود ممالک کے متعلق اپنی پالیسی کو تبدیل کرکے انہیں ستانے کا سلسلہ ختم کرنا ہوگا۔ جب بھارت اِن تین چار باتوں پر عمل کرے گا تو وہ خود بھی خوف کے دائرے سے نکل آئے گا اور جب دوسرے ممالک کے عوام اُس کی شرانگیزی سے محفوظ ہو جائیں گے تو پھر نہ کوئی کبوتر خطرناک لگے گا نہ انسان۔

[poll id="457"]

نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔

اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 سے 800 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

پاکستانی کبوترجو لوٹا تو ’غازی‘ وگرنہ ’شہید‘

انٹرٹینمنٹ

عامر خان نے سلمان خان کیساتھ کبھی کام نہ کرنے کا عہد کیوں کیا؟

ہاں میں نے ہی حملہ کیا ہے، سیف علی خان پر حملہ کرنے والے ملزم نے اعترافِ جرم کرلیا

کبریٰ خان نے فروری میں شادی کی تصدیق کردی

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین

پاکستانی کبوترجو لوٹا تو ’غازی‘ وگرنہ ’شہید‘

ہمارے ساتھ شامل ہوں

مقبول خبریں

انٹرٹینمنٹ

عامر خان نے سلمان خان کیساتھ کبھی کام نہ کرنے کا عہد کیوں کیا؟

ہاں میں نے ہی حملہ کیا ہے، سیف علی خان پر حملہ کرنے والے ملزم نے اعترافِ جرم کرلیا

کبریٰ خان نے فروری میں شادی کی تصدیق کردی

رائے

اسپیشل انسان!

سامراج کا کھیل

ٹرمپ کی تقریبِ حلف برداری یا جشنِ تاجپوشی؟

متعلقہ

تازہ ترین