بلاول بھٹو زرداری 6 ماہ بعد دبئی سے وطن واپس پہنچ گئے

چیئرمین پیپلزپارٹی سندھ اور پنجاب میں بلدیاتی انتخابات کے سلسلے میں مہم کی خود قیادت کریں گے، ذرائع. فوٹو:فائل

---

چیئرمین پیپلزپارٹی بلاول بھٹو زرداری 6 ماہ بعد دبئی سے وطن واپس پہنچ گئے اور ملکی سیاست میں بھرپور طریقے سے حصہ لیں گے۔

ایکسپریس نیوز کے مطابق بلاول بھٹو زرداری آج کراچی پہنچے گے جہاں ان کی آمد کے سلسلے میں تیاریاں مکمل کرلی گئی ہیں جب کہ پاکستان آکر وہ ملکی سیاست میں بھرپور حصہ لیں گے۔ ذرائع کے مطابق خیبرپختونخوا کے بلدیاتی انتخابات میں حاصل ہونے والی نشستوں پر بلاول بھٹو زرداری نے سخت تشویش کا اظہار کیا اورانہوں نے فیصلہ کیا کہ سندھ اورپنجاب میں بلدیاتی انتخابات کی مہم کی قیادت وہ خود کریں گے۔

ذرائع کے مطابق بلاول بھٹو زرداری پنجاب کے مختلف شہروں میں جلسوں کی قیادت کریں گے اور پیپلزپارٹی کو پنجاب میں دوبارہ مضبوط کرنے کے لئے بلاول بھٹو زرداری ناراض کارکنان اور ذمہ داران کو ایک مرتبہ پھر اکٹھا کریں گے۔