عدالت نے ذوالفقار مرزا کو بیرون ملک جانے کی اجازت دے دی

ذوالفقارمرزا نے عدالت سے اہلیہ کے علاج کے لئے بیرون ملک جانے کی استدعا کی جسے عدالت نے منظورکرلیا۔ فوٹو: فائل

---

ڈسٹرکٹ اینڈ سیشن جج ساؤتھ نے ڈاکٹرذوالفقار مرزا کو بیرون ملک جانے کی اجازت دے دی۔

ایکسپریس نیوز کے مطابق سابق وزیرداخلہ سندھ ڈسٹرکٹ اینڈ سیشن کورٹ میں پیش ہوئے اوراہلیہ کے علاج کی غرض سے بیرون ملک جانے کی استدعا کی، اس موقع پر ذوالفقار مرزا نے ڈاکٹر کا مجوزہ خط بھی عدالت میں پیش کیا جس پر عدالت نے انہیں ایک لاکھ روپے مچلکوں کے عوض 3 ہفتوں کے لئے بیرون ملک جانے کی اجازت دے دی جب کہ اس موقع پر ذوالفقار مرزا نے عدالت کو یقین دلایا کہ وہ اپنی اہلیہ کے علاج کے بعد دوبارہ وطن واپس آئیں گے۔