امیتابھ بچن نے ’’ٹوئٹر‘‘ پر سب کو پیچھے چھوڑدیا

بالی ووڈ کے میگا اسٹار امیتابھ بچن سوشل میڈیاخاص طورپرٹوئٹرپر سب سےزیادہ فعال ہیں، فوٹو:فائل

---

LONDON: بھارتی فلم انڈسٹری کے میگا اسٹار امیتابھ بچن سماجی رابطوں کی ویب سائٹ ''ٹوئٹر'' پر سب سے زیادہ فالوکیے جانے والے بالی ووڈ اسٹار بن گئے۔

بھارتی میڈیا کے مطابق بالی ووڈ کے میگا اسٹار امیتابھ بچن سوشل میڈیاخاص طورپرٹوئٹرپر سب سےزیادہ فعال ہیں وہ مستقل بنیادوں پر ناصرف اپنی فلمی مصروفیات بلکہ گھریلوزندگی سے متعلق مداحوں کو آگاہ کرتے رہتے ہیں۔ سماجی رابطے کی ویب سائٹ ٹوئٹر پر ان کے فالورز کی تعداد ایک کروڑ 50 لاکھ سے تجاوزکرچکی ہے اور اس طرح وہ تمام ساتھی اداکاروں کوپیچھے چھوڑتے ہوئے سب سے زیادہ فالو کیے جانے والے پہلے بھارتی اداکار بن گئے ہیں۔ میگا اسٹار امیتابھ بچن نے بھی سب سے زیادہ فالو کیے جانے پر اپنے ٹویٹ پیغام میں خوشی کا اظہار کیا۔

T 1880 - TWITTER ... 15 MILLION !!! YEEEAAAEAEAEAAAHHHHHHHHH !!
BADDOOOOOOOMMMBAAAAA !!

— Amitabh Bachchan (@SrBachchan) May 28, 2015

واضح رہے کہ سماجی رابطے کی ویب سائٹ ٹوئٹر پر بالی ووڈ کنگ خان کے فالوورز کی تعداد ایک کروڑ 20 لاکھ سے زائد ہے جب کہ دبنگ اسٹارسلمان خان کے فالوورز کی تعداد ایک کروڑ 20 لاکھ اور مسٹر پر فیکشنسٹ عامر خان کے فالوورز کی تعداد ایک کروڑ 19 لاکھ ہے۔