سابق آسٹریلوی کپتان اسٹیووا اور ان کے جڑواں بھائی مارک وا نصف سنچری مکمل کرگئے

آئی سی سی کی جانب سے دونوں بھائیوں کو سالگرہ پر مبارکباد کی ٹوئٹ

ویب ڈیسک June 02, 2015

آئی سی سی کی جانب سے دونوں بھائیوں کو سالگرہ پر مبارکباد کی ٹوئٹ۔ فوٹو:فائل

ISLAMABAD: انٹرنیشنل کرکٹ کونسل نے سابق آسٹریلوی کپتان اسٹیو وا اور ان کے جڑواں بھائی مارک وا کو 50ویں سالگرہ پر مبارکباد پیش کی ہے۔

آسٹریلیا کے سابق کپتان اسٹیو وا اور ان کے جڑواں بھائی مارک وا آج اپنی 50ویں سالگرہ منا رہے ہیں دونوں جڑواں بھائیوں نے کینگروز ٹیم کے لئے 90 کی دہائی میں بیش بہا خدمات پیش کی۔ سابق کپتان اسٹیو وا کی ہی قیادت میں 1999 میں آسٹریلیا نے ورلڈ کپ کے فائنل میں پاکستان کو شکست دے کر ٹائٹل اپنے نام کیا تھا اور یہی ورلڈ کپ پاکستان ٹیم کے لئے آخری ثابت ہوا جس کے بعد سے قومی ٹیم کوئی ورلڈ کپ فائنل میچ نہ کھیل سکی۔

انٹرنیشنل کرکٹ کونسل نے دونوں جڑواں بھائیوں کی کینگروز ٹیم کے لئے خدمات کا اعتراف کرتے ہوئے ان کی سالگرہ پر سماجی رابطے کی ویب سائٹ ٹوئٹر پر انہیں مبارکباد پیش کی۔

https://twitter.com/ICC/status/605539373874937856/photo/1