تحریک انصاف کے رہنما علی امین گنڈا پورایک روزہ جسمانی ریمانڈ پرپولیس کے حوالے

عدالت نے ایس ایچ او اور پریزائیڈنگ افسر پر تشدد کے مقدمے میں گرفتار صوبائی وزیرعلی امین گنڈا پور کو ایک روزہ جسمانی ریمانڈ پر پولیس کے حوالے کردیا۔

ایکسپریس نیوز کے مطابق صوبائی وزیرعلی امین گنڈا پورکو ڈی پی اوکی بلٹ پروف گاڑی میں عدالت لایا گیا جہاں انہیں ہتھکڑی لگا کر ایس پی انوسٹی گیشن نےعدالت میں پیش کیا۔ اس موقع پرکار سرکار میں مداخلت، ایس ایچ او اور پریزائیڈنگ افسر پر تشدد کے مقدمے میں پولیس نے عدالت سے ملزم کے ایک روزہ جسمانی ریمانڈ کی استدعا کی جسے عدالت نے منظور کرتے ہوئے کل تک کے لئے علی امین گنڈاپور کو پولیس کے حوالے کردیا۔


واضح رہے صوبائی وزیرعلی امین پر خیبرپختونخوا میں بلدیاتی انتخابات کے روز بیلٹ باکسز چھیننے اور پریزائیڈنگ افسر سمیت ایس ایچ او کو تشدد کا نشانہ بنانے کے الزامات پر گرفتار کیا گیا۔

https://www.dailymotion.com/video/x2sf40b_pti-minster_news