کرنسی اسمگلنگ کیس میں گرفتار ماڈل ایان علی کی درخواست ضمانت کی سماعت تیسری مرتبہ کارروائی کے بغیر ہی ملتوی کردی گئی۔

راولپنڈی کی کسٹم عالت کے جج رانا آفتاب کے روبرو ایان علی کی درخواست ضمانت کی سماعت ہونا تھی تاہم فاضل جج کے رخصت پر ہونے کی وجہ سے سماعت کسی کارروائی کے بغیر ہی ملتوی کردی گئی۔ درخواست کی سماعت اب کل ہوگی جس میں فریقین کی جانب سے دلائل دیئے جائیں گے۔

واضح رہے کہ گزشتہ روز بھی سانحہ ڈسکہ کے خلاف وکلاء کی ہڑتال کے باعث ایان علی کے خلاف مقدمے اوران کی درخواست ضمانت کی سماعت نہیں ہو سکی تھی۔