رنبیر نے انوشکا کو ان کے محبوب کی تصویر تحفے میں دے دی

اداکارہ نے تحفہ نہ صرف خوش دلی سے قبول کیا بلکہ ساتھی اداکار کا شکریہ بھی اداکیا، فوٹو:فائل

---

بالی ووڈ کے چاکلیٹی ہیرو رنبیرکپور نے اداکارہ انوشکا شرما کو ان کے محبوب بھارتی کھلاڑی ویرات کوہلی کی فریم کردہ تصویر تحفے میں دے کر خوشی سے نہال کردیا۔

بھارتی کرکٹرویرات کوہلی اور اداکارہ انوشکا شرما کا معاشقہ ہمیشہ خبروں کی زینت بنا رہا ہے جب کہ کوہلی نےاداکارہ سے برملا اظہارمحبت بھی کیا لیکن انوشکا کی جانب سے محتاط رویہ اپنایاگیا تاہم اب ایسا لگتا ہے کہ رنبیر کپور نے انوشکا کو ان کا من پسند تحفہ دے کر ان کا دل جیت لیا ہے۔

رنبیرکپور نے اداکارہ انوشکا شرما کو ان کے محبوب بھارتی کھلاڑی ویرات کوہلی کی تصویر فریم کرواکرتحفے میں دی جسے انہوں نے نہ صرف خوش دلی سے قبول کیا بلکہ ساتھی اداکار کا شکریہ بھی اداکیا۔

واضح رہے کہ گزشتہ دنوں رنبیر کپور اور انوشکا شرما کی فلم''بمبئی ویلویٹ''ریلیزکی گئی تھی جو باکس آفس پرکوئی خاطر خواہ کامیابی حاصل نہیں کرسکی تھی۔