آل راؤنڈرعبدالرزاق نے پی سی بی کے شوکاز نوٹس کا جواب تیار کرلیا

عبدالرزاق نے وکیل کی مشاورت سے جو جواب تیار کیا اس میں مؤقف اختیارکیا ہے کہ میڈیا سے بات کرنے کا مقصد کسی کی دل آزاری نہیں تھا. فوٹو: اے ایف پی/ فائل

---

آل راؤنڈرعبدالرزاق نے پاکستان کرکٹ بورڈ کی جانب سے بھجوائے گئے شوکاز نوٹس کا جواب تیارکرلیا ہے۔

عبدالرزاق نے وکیل کی مشاورت سے جو جواب تیار کیا اس میں مؤقف اختیارکیا ہے کہ میڈیا سے بات کرنے کا مقصد کسی کی دل آزاری نہیں تھا بلکہ میں نے ایسا بیان جذباتی پن میں دیا۔ محمد حفیظ میرے اچھے دوست ہیں اور ان سے کوئی ذاتی اختلاف نہیں۔

واضح رہے کہ کولمبو سے وطن واپسی پر عبدالرزاق نے ٹی ٹوئنٹی کے سیمی فائنل میں ٹیم میں میں شامل نہ کرنے پر کپتان محمد حفیظ کو تنقید کا نشانہ بنایا تھاجس پرپی سی بی نے انہیں شوکاز نوٹس جاری کیاتھا۔