بلوچستان کے ضلع خضدار میں سیلابی ریلے میں بہہ کر 9 افراد جاں بحق

خضدار کے علاقے شاہ نورانی میں گزشتہ روز بارش کے باعث مقامی ندی میں پانی سیلابی صورت اختیارکرگیا۔ فوٹو:فائل

---

بلوچستان کے ضلع خضدار میں سیلابی ریلے میں بہہ کر 9 افراد جاں بحق ہوگئے جب کہ مزید افراد کے بہہ جانے کی بھی اطلاعات ہیں۔

ایکسپریس نیوز کے مطابق خضدار میں شاہ نورانی کے علاقے گلو گوٹھ میں موسلا دھار بارش کے باعث مقامی ندی میں سیلابی ریلا آگیا جس نے ندی کے قریب مکانات کو اپنی لپیٹ میں لے لیا۔ابتدائی اطلاعات کے مطابق سیلابی ریلے میں بہہ کر 9 افراد جاں بحق ہوگئے جب کہ مزید افراد کے بہہ جانے کی بھی اطلاعات ہیں۔

ڈپٹی کمشنر خضدار کے مطابق سیلابی ریلے میں بہہ جانے والے افراد کی لاشیں نکال لی گئی ہیں اور تمام افراد مقامی ہیں جب کہ ممکنہ طور پر بہہ جانے والے مزید افراد کی تلاش کے لئے ریسکیو آپریشن شروع کردیا گیا ہے۔