فلم ’’تنوویڈزمنوریٹرن‘‘ کی کامیابی نے کنگنارناوت کی ڈیمانڈ میں اضافہ کردیا

بالی ووڈ کوئین کنگنارناوت کی فلم’’تنو ویڈزمنو ریٹرن‘‘ میں شاندار اداکاری کو شائقین نے بے حد پسند کیا ہے، فوٹو : فائل

---

بالی ووڈ کوئین ادکارہ کنگنارناوت کی فلم ''تنو ویڈزمنوریٹرن'' میں جاندار اداکاری فلم بینوں کے علاوہ ڈائریکٹر زکوبھی متاثرکیے بغیر نہ رہ سکی جس کےبعد ڈائریکٹرعلی عباس ظفر نےادکارہ کو فلم ''سلطان '' میں سلمان خان کے مدمقابل مرکزی کردارکی پیشکش کی ہے۔

بھارتی میڈیا کے مطابق اداکارہ کنگنارناوت کوفلم ''تنو ویڈزمنو ریٹرن'' میں شاندار اداکاری نے راتوں رات شہرت کی بلندیوں پرپہنچا دیا ہے اوران کی جاندار اداکاری کونہ صرف شائقین نے بے حد پسند کیا بلکہ بالی ووڈ کے کئی نامور ڈائریکٹرز بھی ان کی اداکاری سے متاثر ہوئے جس کےبعد انہیں سلمان خان کے ساتھ کام کرنے کی پیش کش کردی گئی ہے۔

بالی ووڈ ڈائریکٹر علی عباس ظفر نے کنگنا رناوت کو فلم ''سلطان'' میں سلمان خان کے ساتھ ہیروئن کا کردار ادا کرنے کی پیش کش کی ہے جس کا اداکارہ کی جانب سے کوئی حتمی فیصلہ سامنے نہیں آسکا ہے جب کہ فلم میں دبنگ اسٹار سلمان خان باکسر کے روپ میں نظر آئیں گے۔

واضح رہے کہ کنگنا رناوت کی گزشتہ دنوں ریلیز ہونے والی فلم ''تنوویڈزمنوریٹرن'' باکس آفس پر کامیابی کے جھنڈے گاڑتے ہوئے 100 کروڑ کلب میں شامل ہوگئی ہے۔