شاہ رخ خان بالی ووڈ کے ’’کنگ‘‘ اور پریانکا ’’کوئن‘‘ قرار

سوشل میڈیا نے زندگی کو سہل کردیا ہے جس کی وجہ سے مداحوں کے اور بھی قریب ہوگیا ہوں، شاہ رخ خان، فوٹو:فائل

---

بالی ووڈ کے کنگ شاہ رخ خان اور سابق ملکہ حسن اداکارہ پر یانکاچوپڑا نے سوشل میڈیا فلم ایوارڈ2015 کے ''کنگ'' اور ''کوئن'' کے ایوارڈ اپنے نام کرلیے۔

بالی ووڈ لائف کی جانب سے سوشل میڈیافلم ایوارڈ 2015 کی تقریب نئی دلی میں ہوئی جس میں بالی ووڈ کی معروف شخصیات نے شرکت کی۔ سوشل میڈیافلم ایوارڈ 2015 کے لیے 16 کیٹیگریز میں پول کرایاگیا جس میں دنیا بھر سے 13لاکھ افراد نے شرکت کی۔

تقریب میں شاہ رخ خان اور اداکارہ پر یانکاچوپڑا نے سوشل میڈیا فلم ایوارڈ2015 کے کنگ اور کوئن کا ایوارڈ اپنے نام کیا جب کہ اداکارہ سوناکشی سنہا کو ''سیلفی کوئن'' اور اداکارورن دھون کو''سیلفی کنگ ''ایوارڈ دیا گیا اس کے علاوہ اداکارٹائیگرشروف اوراداکارہ جیکولین فرنینڈس نے ''فٹنس آئیکون'' ایوارڈ اپنے نام کیا۔

بالی ووڈ کنگ شاہ رخ خان نے اپنا ایوارڈ مداحوں کے نام کرتے ہوئے کہا کہ سوشل میڈیا نے زندگی کو سہل کردیا ہے جس کی وجہ سے وہ مداحوں کے اور بھی قریب ہوگئے ہیں جب کہ ادکارہ پریانکا چوپڑاکا کہناتھا کہ وہ ہمیشہ سے ملکہ بننا چاہتی تھیں اور ایوارڈ جیت کرخود کو ملکہ ہی محسوس کررہی ہوں۔