کرینہ کپور کے ساتھ فلم میں کام کرنا خوش قسمتی سمجھتی ہوں عالیہ بھٹ

کرینہ کپورحقیقی زندگی میں بھی میری آئیڈیل ہیں،عالیہ بھٹ فوٹو:فائل

---

بالی ووڈ کی خوبرواداکارہ عالیہ بھٹ نےکرینہ کپورکے ساتھ نئی آنے والی فلم''اڑتاپنجاب '' میں کام کرنے کو خوش قسمتی قرار دے دیا۔

بھارتی میڈیا کے مطابق اداکارہ عالیہ بھٹ کا ایک انٹرویو میں کہنا تھاکہ کرینہ کپور کے ساتھ فلم ''اڑتاپنجاب'' میں کام کرنا اپنی خوش قسمتی سمجھتی ہوں جس پر میں بہت زیادہ خوش بھی ہوں جب کہ ان کے ساتھ فلم میں کام کرنا میرے لیے کسی اعزاز سے کم نہیں۔ انہوں نے کہا کہ فلمی سیٹ پر کرینہ کپور سے شوٹنگ کے دوران بہت کچھ سیکھنے کو ملا جب کہ کرینہ کپورحقیقی زندگی میں بھی میری آئیڈیل ہیں جو کہ ملنسار شخصیت کی مالک ہیں۔ فلم''اڑتاپنجاب'' میں کرینہ کپور اور عالیہ بھٹ کے ساتھ شاہد کپور مرکزی کردار اداکررہے ہیں۔