شمالی وزیرستان میں جھڑپ کے دوران 19 دہشت گرد ہلاک 7 اہلکار شہید

مارے جانے والے دہشت گردوں میں 5 اہم کمانڈر بھی شامل ہیں، آئی ایس پی آر

ویب ڈیسک June 08, 2015

پاک فوج کی جانب سے دہشت گردوں کے خلاف آپریشن ضرب عضب جاری ہے. فوٹو:فائل

جنوبی وزيرستان ميں سكيورٹی فورسز اور شدت پسندوں كے درميان جھڑپ اور خودكش دھماكے ميں 7 اہلكار شہيد اور كالعدم تحريک طالبان كے 5 كمانڈروں سميت 19 شدت پسند ہلاك اورمتعدد زخمی ہوگئے۔

https://img.express.pk/media/images/q20/q20.webp

تفصيلات كے مطابق گزشتہ شب شمالی اورجنوبی وزيرستان كے سنگم پر پاک افغان بارڈر كے قريب سكيورٹی فورسزاور شدت پسندوں كے درمیان جھڑپ ہوئی، سركاری ذرائع كے مطابق دونوں جانب سے ہلكے اور بھاری ہتھياروں كا استعمال ہوا۔

https://img.express.pk/media/images/q110/q110.webp

ذرائع كا مذيد كہنا تھاكہ سكيورٹی فورسز اورشدت پسندوں كے درمیان جھڑپ اس وقت ہوئی جب سكيورٹی فورسز كے جوانوں نے پيرغر سے شوال كی جانب پيش قدمی شروع كی كہ اسی دوران علاقے میں پہلے سے موجود شدت پسندوں نے حملہ كيا۔

https://img.express.pk/media/images/q26/q26.webp

حكام كے مطابق جھڑپ كے دوران حملہ آوروں كو چاروں اطراف سے سكيورٹی فورسز نے حصار ميں لے كر زندہ پكڑنے كی كوشش كی تو اسی دوران خودكش حملہ آور نے خود كو دھماكے سے اڑاديا جس كے نتيجے ميں پاک فوج كے 7 جوان شہيد اور 3 زخمی ہوگئے جب كہ سكيورٹی فورسز كی فائرنگ سے كالعدم تحريک طالبان كے 5 كمانڈروں سميت 19شدت پسند ہلاک اور متعدد زخمی ہوگئے۔

واضح رہے کہ وزیرستان میں پاک فوج کی جانب سے دہشت گردوں کے خلاف آپریشن ضرب عضب جاری ہے جس میں اب تک سیکڑوں شدت پسند ہلاک جب کہ درجنوں سیکیورٹی اہلکار شہید ہو چکے ہیں۔