امریکا میں جیل سے فرار 2 ملزمان کی گرفتاری پر ایک لاکھ ڈالر انعام کا اعلان

PESHAWAR:
امریکا نے گزشتہ روز جیل سے فرار ہونے والے 2 ملزمان کی گرفتاری پر ایک لاکھ ڈالر انعام کا اعلان کیا ہے۔


غیر ملکی خبر رساں ادارے کے مطابق امریکا کی ریاست نیویارک کے گورنر اینڈریو کواومو نے گزشتہ روز جیل توڑ کر فرار ہونے والے 2 قیدیوں کی گرفتاری پر ایک لاکھ ڈالر انعام کا اعلان کیا ہے۔ نیویارک کے گورنر کا کہنا تھا کہ یہ مفرور ملزمان کی گرفتاری کے لئے یہ غیرمعمولی قدم موجودہ صورتحال میں مناسب ہے۔

واضح رہے کہ گزشتہ روز امریکا کی ریاست نیویارک کی کلنٹن نامی جیل سے قتل کے 2 قیدی رچرڈ میٹ اور دیوڈ سویٹ جیل توڑ کر فرار ہو گئے تھے، ملزمان نے فرار ہوتے وقت ملزمان نے جیل حکام کے لئے ایک طنزیہ تحریر بھی چھوڑی تھی جس پر Have a nice day لکھا ہوا تھا۔