ون ڈے کپتان کو ابھی سے سری لنکا کا خوف ستانے لگا
ہوم کنڈیشنز میں آئی لینڈرز سخت حریف ثابت ہوتے ہیں، جارحانہ انداز اپنائینگے، اظہر
ٹیسٹ اسکواڈ میں کسی میچ ونر بولر کی عدم موجودگی باعث تشویش ہے،محمد حفیظ فوٹو: آن لائن
CALIFORNIA:
قومی ون ڈے کپتان اظہر علی کو ابھی سے سری لنکن ٹیم کا خوف ستانے لگا، انھوں نے کہا کہ ہوم کنڈیشنز میں آئی لینڈرز سخت حریف ثابت ہوں گے، البتہ گذشتہ 3سال میں ان سے زیادہ کھیلنے کا تجربہ کام آئے گا، سیریز میں جارحانہ انداز اپنائیں گے۔
ون ڈے ٹیم کے کپتان اظہر علی نے دورئہ سری لنکا میں سخت مقابلوں کی توقع ظاہر کردی ہے، لاہور میں میڈیا سے بات چیت کرتے ہوئے انھوں نے کہا کہ دونوں ٹیموں میں نئے کھلاڑی موجود ہیں اسی لیے کسی کو فیورٹ قرار نہیں دیا جاسکتا،آئی لینڈرز اپنی ہوم کنڈیشنز کا بہت اچھے انداز میں استعمال کرتے ہیں۔
کسی بھی مہمان ٹیم کیلیے کھیلنا آسان نہیں ہوتا، مثبت پہلو یہ ہے کہ ہم گذشتہ 3 سال میں متعدد بار سری لنکا کے ساتھ میچز کھیل چکے ہیں،اس تجربہ کی بنا پر بہتر کارکردگی دکھانے کا عزم رکھتے ہیں، انھوں نے کہا کہ سیریز میں جارحانہ کرکٹ کھیلنے کا فیصلہ کیا ہے،اگر پاکستانی ٹیم ٹیسٹ میچز میں فتوحات حاصل کرتی ہے تو اس کا ون ڈے پر مثبت اثر پڑے گا،اظہر علی نے کہا کہ میں اپنی بیٹنگ فارم کا تسلسل برقرار رکھنے کی کوشش کروں گا تاکہ عمدہ کارکردگی سے ٹیم کی فتوحات میں کردار ادا کرسکوں۔
دوسری جانب آل راؤنڈر محمد حفیظ نے سری لنکن سیریز کے حوالے سے کہا کہ موجودہ ٹیم میں کوئی میچ ونر بولر نہیں جو تشویشناک بات ہے، وسیم اکرم اور وقار یونس کے بعد سعید اجمل بھی اکیلے میچ جتوانے کی صلاحیت رکھتے تھے لیکن بدقسمتی سے ان کی خدمات میسر نہیں، انھوں نے کہا کہ موجودہ اسکواڈ میں مجھ سمیت کوئی بھی سعیدکا متبادل ثابت نہیں ہوسکتا، اچھی بات ہے کہ ہمارے بیٹسمین بہترین فارم میں ہیں، بولرز کو بھی سخت محنت سے ان کا بھرپور ساتھ دینا ہوگا۔
حفیظ نے کہا کہ ہوم کنڈیشنز میں سری لنکن اسپنر رنگانا ہیراتھ ٹیسٹ کے بعد ون ڈے فارمیٹ میں بھی مشکلات پیدا کرسکتے ہیں،ان کا سامنا سنبھل کر کرنے کیلیے حکمت عملی وضع کرنا ہوگی،ایک روزہ میچز میں میزبان ٹیم کو سنگا کارا اور جے وردنے جیسے اسٹارز کی خدمات حاصل نہیں ہوںگی،اس کا پاکستان کو بھرپور فائدہ اٹھانا چاہیے۔
قومی ون ڈے کپتان اظہر علی کو ابھی سے سری لنکن ٹیم کا خوف ستانے لگا، انھوں نے کہا کہ ہوم کنڈیشنز میں آئی لینڈرز سخت حریف ثابت ہوں گے، البتہ گذشتہ 3سال میں ان سے زیادہ کھیلنے کا تجربہ کام آئے گا، سیریز میں جارحانہ انداز اپنائیں گے۔
ون ڈے ٹیم کے کپتان اظہر علی نے دورئہ سری لنکا میں سخت مقابلوں کی توقع ظاہر کردی ہے، لاہور میں میڈیا سے بات چیت کرتے ہوئے انھوں نے کہا کہ دونوں ٹیموں میں نئے کھلاڑی موجود ہیں اسی لیے کسی کو فیورٹ قرار نہیں دیا جاسکتا،آئی لینڈرز اپنی ہوم کنڈیشنز کا بہت اچھے انداز میں استعمال کرتے ہیں۔
کسی بھی مہمان ٹیم کیلیے کھیلنا آسان نہیں ہوتا، مثبت پہلو یہ ہے کہ ہم گذشتہ 3 سال میں متعدد بار سری لنکا کے ساتھ میچز کھیل چکے ہیں،اس تجربہ کی بنا پر بہتر کارکردگی دکھانے کا عزم رکھتے ہیں، انھوں نے کہا کہ سیریز میں جارحانہ کرکٹ کھیلنے کا فیصلہ کیا ہے،اگر پاکستانی ٹیم ٹیسٹ میچز میں فتوحات حاصل کرتی ہے تو اس کا ون ڈے پر مثبت اثر پڑے گا،اظہر علی نے کہا کہ میں اپنی بیٹنگ فارم کا تسلسل برقرار رکھنے کی کوشش کروں گا تاکہ عمدہ کارکردگی سے ٹیم کی فتوحات میں کردار ادا کرسکوں۔
دوسری جانب آل راؤنڈر محمد حفیظ نے سری لنکن سیریز کے حوالے سے کہا کہ موجودہ ٹیم میں کوئی میچ ونر بولر نہیں جو تشویشناک بات ہے، وسیم اکرم اور وقار یونس کے بعد سعید اجمل بھی اکیلے میچ جتوانے کی صلاحیت رکھتے تھے لیکن بدقسمتی سے ان کی خدمات میسر نہیں، انھوں نے کہا کہ موجودہ اسکواڈ میں مجھ سمیت کوئی بھی سعیدکا متبادل ثابت نہیں ہوسکتا، اچھی بات ہے کہ ہمارے بیٹسمین بہترین فارم میں ہیں، بولرز کو بھی سخت محنت سے ان کا بھرپور ساتھ دینا ہوگا۔
حفیظ نے کہا کہ ہوم کنڈیشنز میں سری لنکن اسپنر رنگانا ہیراتھ ٹیسٹ کے بعد ون ڈے فارمیٹ میں بھی مشکلات پیدا کرسکتے ہیں،ان کا سامنا سنبھل کر کرنے کیلیے حکمت عملی وضع کرنا ہوگی،ایک روزہ میچز میں میزبان ٹیم کو سنگا کارا اور جے وردنے جیسے اسٹارز کی خدمات حاصل نہیں ہوںگی،اس کا پاکستان کو بھرپور فائدہ اٹھانا چاہیے۔