فیصل آباد سے ملتان جانے والی مسافر بس کے اغوا کی کوشش ناکام بناکر اسے بحفاظت بس بازیاب کرالیا گیا ہے۔

ایکسپریس نیوز کے مطابق نجی کمپنی کی مسافر بس شام کے اوقات میں فیصل آباد سے ملتان کے لیے روانہ ہوئی تھی جس کی میاں چنوں اور چیچہ وطنی کے درمیان اغوا ہونے کی اطلاع ملی، پولیس نے اطلاع ملتے ہی علاقے کی ناکہ بندی کرکے بس کی تلاش شروع کردی۔

موٹروے پولیس کے مطابق بس 7 بج کر 40 منٹ پر فیصل آباد سے روانہ ہوئی جسے 4 ڈاکوؤں نے اغوا کرکے لوٹنے کی کوشش کی تاہم اسے ناکام بنادیا گیا۔ پولیس کا کہنا تھا کہ بس کو کچا کھو کےقریب سے بازیاب کرایا گیا اور اس میں موجود تمام مسافر بھی خیریت سے ہیں.