انجلینا جولی اوربراڈپٹ نے اکانومی کلاس میں سفرشروع کردیا

انجلینا اوربراڈپٹ اپنے بچوں کے ہمراہ طیارے کی اکانومی کلاس میں سفر کررہے ہیں ۔ فوٹو : فائل

---

KARACHI: ہالی ووڈ کی معروف ترین جوڑی اینجلینا جولی اوربراڈ پٹ دنیا بھرمیں اپنی اداکاری کے ساتھ ساتھ سماجی شعبے میں خدمات کیلیے بھی معروف ہیں۔

اس جوڑی کا شمارامیرترین جوڑوں میں ہوتا ہے، اس کے باوجود بھی دونوں کے مزاج کی سادگی کا یہ عالم ہے کہ گزشتہ روز انجلینا اور براڈ نے اپنے تمام بچوں کے ساتھ اکانومی کلاس سے سفر کیا۔انجلینا جولی، براڈ پٹ کو لاس اینجلس سے فرانس کے شہر نیس جانا تھا۔

براہ راست فلائٹ نہ ہونے کے سبب جب یہ خاندان پیرس سے نیس کیلیے جہاز میں سوار ہوا تو مسافر یہ دیکھ کے حیران رہ گئے کہ ہالی ووڈ کی اس معروف جوڑی نے اکانومی کلاس میں اپنی بکنگ کروا رکھی تھی۔

اس موقع پربراڈ پٹ کسی بھی روایتی خاندان کے سربراہ معلوم ہوئے انھوں نے اوورہیڈ اسٹوریج میں اپنا اوربچوں کا سامان ٹھونسا۔ اس سے قبل یہ خاندان پیرس کے ایئرپورٹ پر دو گھنٹے دیگر مسافروں کے ہمراہ اکانومی لاؤنج میں انتظار بھی کرتا رہا۔