قومی اسمبلی میں روہنگیا مسلمانوں پر مظالم کے خلاف مذمتی قرارداد منظور

گزشتہ روز سینیٹ میں بھی میانمار میں روہنگیا مسلمانوں پر مظالم کے خلاف قرار داد متفقہ طور پر منظور کی گئی تھی۔ فوٹو: فائل

---

FAISALABAD: قومی اسمبلی نے میانمار میں روہنگیا مسلمانوں پر مظالم کے خلاف مذمتی قرارداد کو متفقہ طور پر منظور کرلی۔

قومی اسمبلی کے اجلاس کے دوران وفاقی وزیر رانا تنویر نے میانمار میں روہنگیا مسلمانوں کے خلاف مظالم کی قرار داد پیش کی جس میں کہا گیا کہ روہنگیا مسلمانوں پر انسانیت سوز مظالم کئے جا رہے ہیں جس کی شدید مذمت کرتے ہیں، عالمی برادری اور اقوام متحدہ روہنگیا مسلمانوں کے خلاف مظالم کا نوٹس لے۔ قرارداد کو متفقہ طور پر منظور کرلیا گیا۔

واضح رہے کہ گزشتہ روز سینیٹ میں بھی میانمار میں روہنگیا مسلمانوں پر مظالم کے خلاف قرار داد متفقہ طور پر منظور کی گئی تھی۔