دبنگ خان نے سوشل میڈیا پر مداحوں کو دھمکی دے ڈالی

درجہ بندی نہ مجھے خود اچھی لگتی ہے اورنہ ہی شاہ رخ خان اورعامر خان کو پسند ہے، سلمان خان فوٹو فائل

---

ISLAMABAD: بالی ووڈ کے دبنگ خان نے سوشل میڈیا پر مداحوں کو ان کے عامر خان اور شاہ رخ خان سے مقابلے کو بند نہ کرنے کی صورت میں ٹوئٹر اکاؤنٹ بند کرنے کی دھمکی دے دی۔

سماجی رابطے کی ویب سائیٹ ٹوئٹر پر اپنی ٹوئٹ میں سلمان خان کا کہنا تھا کہ وہ ٹوئٹر پر محبت پھیلانے،اپنے خیالات کا اظہار کرنے اور تفریح کی غرض سے آتے ہیں، اپنی برادری کی توہین دیکھنے نہیں۔ شاہ رخ خان اورعامر خان ان کے دوست ہیں، ان کے پرستار انہیں اپنے دوستوں کے سامنے شرمندہ نہ کریں۔ مداح ہم تینوں کے درمیان درجہ بندی کرنا چھوڑ دیں، یہ بات نہ انہیں خود اچھی لگتی ہے اورنہ ہی شاہ رخ خان اورعامر خان کو پسند ہے،اگر سوشل میڈیا پر بالی ووڈ کے نمبر ایک، دو یا تین کے حوالے سے جنگ مزید جاری رہی تو وہ ٹوئٹرکواستعمال کرنا چھوڑدیں گے۔

واضح رہے کہ سلمان خان اور شاہ رخ خان کے درمیان رنجشیں کسی سے ڈھکی چھپی نہیں تاہم اس کے باوجود دونوں نے کبھی اپنے اختلافات کا سب کے سامنے اظہار نہیں کیا بلکہ دونوں ستارے ایک دوسرے کو فلموں کی کامیابی پر مبارک باد بھی دیتے ہیں۔

 

Sharukh n amir hate it oo. N for my fans don't let me dwn. Srk n amir khan r my friend toh buss. Bhad mein gaya No 1,2,3. Samjhe kya?

— Salman Khan (@BeingSalmanKhan) June 9, 2015

I vil not b on this social net work any more. Bus khallas, khatam, wanna follow me n want me to b here to Pyar mohobbat se raho. Or I am out

— Salman Khan (@BeingSalmanKhan) June 9, 2015