بھارتی پولیس نے گلوکار میکا سنگھ کو گرفتار کرلیا

متاثرہ ڈاکٹر نے گلوکار میکا سنگھ کے خلاف مقدمہ درج کرایا تھا۔ فوٹو: فائل

---

بھارتی گلوکار میکا سنگھ کو کنسرٹ کے دوران ڈاکٹر کو تھپڑ مارنے کے الزام میں گرفتار کرلیا گیا ہے۔

بھارتی میڈیا رپورٹس کے مطابق نئی دلی کی پولیس نے میکا سنگھ کو کنسرٹ کے دوران بھرے مجمعے کے سامنے ایک ڈاکٹر کو اسٹیج پر بلا کر تھپڑ مارنے کے الزام میں گرفتار کرلیا ہے۔ بعد ازاں اداکار میکا سنگھ کو پولیس نے ضمانت پر رہا کر دیا ہے۔

واضح رہے کہ رواں برس اپریل میں میکا سنگھ نے ایک کنسرٹ کے دوران غیر اخلاقی حرکات کرنے پر ایک شخص کو اسٹیج پر بلا کر اس کے منہ پر زوردار تھپڑ رسید کیا تھا جس پر اس شخص نے گلوکار کے خلاف مقدمہ درج کرایا تھا۔