دپیکا اور رنویرکی منگنی کی افواہیں گردش کرنے لگیں

میڈیا رپورٹ کے مطابق دپیکا پڈوکون کے اہل خانہ بھی رنویر سنگھ سے خوش ہے، فوٹو: فائل

---

MONTE CARLO: بالی ووڈ کی ڈمپل گرل دپیکاپڈوکون اور شوخ مزاج اداکار رنویر سنگھ کے درمیان طویل عرصے سے قربتیں قائم ہیں لیکن دونوں اداکار وں نے ہمیشہ اپنے تعلق کا انکارہی کیا ہے لیکن اب دونوں اسٹارز کی جلد ہی منگنی کرنے کی خبریں زیر گردش ہیں۔

بالی ووڈ میں پیارو محبت کی داستانیں زبان زدعام ہی رہتی ہیں لیکن چند ہی داستانوں کوزندگی میں حقیقی رنگ دیا جاتا ہے۔ بھارتی میڈیا کے مطابق بالی ووڈ کی ڈمپل گرل اداکارہ دپیکا پڈوکون اور رنویر سنگھ کی طویل عرصہ معاشقے کے بعد جلد ہی منگنی کی افواہیں گردش کررہی ہیں جب کہ بالی ووڈ کے دونوں اداکاروں نے کبھی اپنے تعلق کا باقاعدہ اظہار تو نہیں کیا لیکن انہیں کئی جگہ اکٹھے دیکھا گیا ہے۔

گزشتہ دنوں آئیفا ایوارڈ کی تقریب میں رنویر سنگھ نے دپیکا کے سامنے گھٹنوں کے بل بیٹھ کر محبت کا اظہارکیا جس پر اداکارہ سمیت تمام شائقین حیران ہوگئے تھے۔

دوسری جانب میڈیا رپورٹ کے مطابق دپیکا پڈوکون کے اہل خانہ بھی رنویر سنگھ سے خوش ہے اور ان کی خواہش ہے کہ دونوں جلد سے جلد منگنی کرکے اپنے تعلق کو مزیدمضبوط کریں۔