ریلوے حکام نے یکم جولائی سے ملک بھر کی تمام ریل گاڑیوں کے اے سی سلیپر کے کرایوں میں25فیصد اور بزنس کلاس کے کرایوں میں 16 فیصد اضافہ کرنے کا فیصلہ کیا ہے۔

ریلوے حکام نے پٹرولیم مصنوعات کی قیمتوں میں ہونے والے اضافے اور وفاقی بجٹ میں ملازمین کی تنخواہیں بڑھنے کی وجہ سے محکمے پر مالی بوجھ بڑھنے کے باعث کرایوں میں اضافے کا فیصلہ کیا۔ اس کے علاوہ مختلف سیکشنوں اور ٹرینوں کی اکانومی کلاس میں 3 سے5 فیصد کرایوں کی مد میں دی جانے والی رعایت بھی آج سے ختم کر دی گئی ہے۔ تمام ڈویژنوں کو نوٹیفکیشن جاری کر دیا گیا۔