پاکستان کو کشن گنگا ڈیم کا معائنہ کرایا جائے ثالثی عدالت کا بھارت کو حکم

عالمی بینک کی ثالثی عدالت نے پاکستان کووولر اور تل بل نیوی گیشن معائنے کی بھی اجازت دے دی، نجی ٹی وی

---

عالمی بینک کی ثالثی عدالت نے بھارت کوکشن گنگابجلی گھرکی سائٹ کے دوبارہ معائنے کاحکم دے دیا۔

پیر کو پاکستانی وفد بھارتی کمشنر اورنگا ناتھن کے ساتھ ڈیم سائیٹ کا مشترکہ معائنہ کرے گا۔نجی ٹی وی کے مطابق ہفتے کے روزسندھ طاس کے کمشنر آصف بیگ مرزاکی سربراہی میں تین رکنی وفد بھارت روانہ ہو گیا ہے،عالمی بینک کی ثالثی عدالت نے یکم ستمبرکوسماعت مکمل کرتے ہوئے بھارت کوکشن گنگا دریا میں کسی بھی قسم کی تعمیر سے روک دیا تھا اور اب عدالت نے کشن گنگا ڈیم کے معائنے کی اجازت دیدی ہے، اسکے علاوہ پاکستان کو وولر اور تل بل نیوی گیشن معائنے کی بھی اجازت دی گئی ہے۔