شاہ رخ اور سلمان خان سے کوئی مقابلہ نہیں وہ بڑے اداکار ہیں عامر خان

ہم میں کوئی پہلے ،دوسرے اور تیسرے نمبر پر نہیں ہے، بالی ووڈ اداکار عامر خان فوٹو:فائل

---

بالی ووڈ کے مسٹر پر فیکشنسٹ عامر خان نے کہا ہے کہ شاہ رخ اور سلما ن خان سے کوئی مقابلہ نہیں اور وہ دونوں بڑے اداکار ہیں۔

بھارتی فلم انڈسٹری کے حکمران خانز میں دوستی وقت کے ساتھ ساتھ گہری ہوتی جارہی ہے جس کا بر ملا اظہار اب تینوں خانز کرنے لگے ہیں۔ بھارتی میڈیا کے مطابق عامر خان کا کہنا تھا کہ شاہ رخ اور سلمان خان کے ساتھ انڈسٹری میں برتری کا کوئی مقابلہ نہیں ہے بلاشبہ وہ دونوں بہت بڑے اداکار ہیں۔انہوں نے کہا کہ سلمان خان کے میرے لیے محبت اور جذبات قابل قدر ہیں اور یہی جذبات میں ان کے لیے بھی رکھتا ہوں جب کہ ہم میں کوئی پہلے ،دوسرے اور تیسرے نمبر پر نہیں ہے۔

دوسری جانب بالی ووڈ مسٹر پرفیکشنسٹ عامر خان کا کہناتھاکہ ہم تینوں خانز کی اکٹھے فلم میں کام کرنے کی خبر میں کوئی سچائی نہیں ہے اگر ایساہوجائے تو بہتر ہوگا۔

واضح رہے کہ گزشتی دنوں سلمان خان نے اپنے ٹوئٹر پیغام مداحوں سے شاہ رخ خان اور عامر خان سے مقابلہ کرنے پر برہمی کا اظہار کرتے ہوئے ٹوئٹراکاؤنٹ بند کرنے کی دھمکی دی تھی۔