آپریشن ضرب عضب کو ایک سال مکمل2763دہشت گرد ہلاک347 جوان شہید

آپریشن’’ضرب عضب‘‘ کا دائرہ پاک افغان سرحد تک پہنچادیا گیا جب کہ اس دوران 347 افسراور جوان شہید ہوئے، آئی ایس پی آر

ویب ڈیسک June 13, 2015

آپریشن ضرب عضب کے دوران 9 ہزار خفیہ اطلاعات پرآپریشن کئے گئے، آئی ایس پی آر. فوٹو:افائل

KARACHI: آپریشن ضرب عضب کو ایک سال مکمل ہونے پرپاک فوج نے اس کی تفصیلات جاری کردیں جس کے مطابق آپریشن کے دوران 2 ہزار 763 دہشت گرد ہلاک اور ان کے 837 ٹھکانوں کو تباہ کیا گیا ہے۔

ترجمان پاک فوج میجر جنرل عاصم باجوہ نے سماجی رابطے کی ویب سائٹ ٹوئٹر پر اپنی ٹوئٹس میں بتایا کہ آپریشن ضرب عضب کے دوران 347 افسر اور جوان شہید ہوئے جب کہ ایک سال میں فاٹا اور خاص طورپرشمالی وزیرستان اورخیبرایجنسی میں واضح کامیابی حاصل ہوئی ہے جب کہ کئی علاقوں کو دہشت گردوں سے پاک کرتے ہوئے آپریشن ضرب عضب کا دائرہ پاک افغان سرحد کے قریب تک پہنچ چکا ہے۔ ترجمان کا کہنا ہے کہ آپریشن ضرب عضب کے دوران اب تک 2 ہزار763 دہشت گرد ہلاک اور ان کے 837 ٹھکانے تباہ کرتے ہوئے 253 ٹن بارودی مواد برآمد کیا جاچکا ہے۔

#ZarbeAzb:1 year since start,significant achievements in FATA spec NWA&Khyber.Strong holds,Comm Infrastructure,sanctuaries largely cleared-1
— Gen(R) Asim Saleem Bajwa (@AsimBajwaISPR) June 13, 2015

ترجمان پاک فوج کے مطابق آپریشن ضرب عضب کے دوران 9 ہزار خفیہ اطلاعات پرآپریشن کئے گئے جس کے دوران ہزاروں دہشت گردوں اور ان کے سہولت کاروں کو حراست میں لیا گیا جب کہ مختلف شہروں میں کارروائی کے دوران 218 دہشت گردوں کو ٹھکانے لگایا جاچکا ہے۔ انہوں نے بتایا کہ شمالی وزیرستان میں دہشتگردوں کے ٹھکانوں میں سرچ آپریشن کے دوران 1808 ہتھیار برآمد کئے گئے جن میں ایچ ایم جی، ایل ایم جی، اسنائپرز رائفلز، راکٹ لانچر اور اے کے 47 شامل ہیں۔

Z-e-A:Op moves to last few pkts close to PakAfgn border.So far 2763 terrorists killed,837 hide out destroyed.253 tons explosive recovered-2
— Gen(R) Asim Saleem Bajwa (@AsimBajwaISPR) June 13, 2015

Z-e-A:9000 IBOs apprehended thousand terrorists,abettors&killed 218 hard core terrorists in cities.347 offrs,soldiers embraced shahdat-3
— Gen(R) Asim Saleem Bajwa (@AsimBajwaISPR) June 13, 2015

آئی ایس پی آر کا کہنا ہے کہ آپریشن ضرب عضب کے نتائج سامنے آنا شروع ہوگئے ہیں اور پاکستان کو دہشت گردی سے پاک کرنے تک آپریشن جاری رہے گا جب کہ ملک میں چینی صدر کی آمد، زمبابوے کرکٹ ٹیم اور دیگر ممالک کی اہم شخصیات کے دورے اور پاک چین اقتصادری راہدای منصوبے آپریشن ضرب عضب کے نتائج ہیں۔ انہوں نے کہا کہ ملک سے دہشت گردی کے مکمل خاتمے کے لئے پوری قوم متحد ہے جب کہ میڈیا اور سول سوسائٹی کا کردار بھی مثبت ہے۔

Z-e-A:Will continue ops for terror free Pak.Few effects;improved envmt;Chinese Pres&other dignitaries' visits,Pak-Zimb cricket,CPEC-6
— Gen(R) Asim Saleem Bajwa (@AsimBajwaISPR) June 13, 2015

Z-e-A:Whole nation came together to totally eliminate terrorism from http://t.co/TAq2segJXi,civ society playing +ve role 2 help end menace-5
— Gen(R) Asim Saleem Bajwa (@AsimBajwaISPR) June 13, 2015