یمن میں اتحادی افواج کے فضائی حملے میں 9 افراد ہلاک اور 80 زخمی

یمن میں اتحادی فوج نے ایک بار پھر سابق صدر علی عبداللہ صالح کے رہائشی علاقے کو نشانہ بنایا، فوٹو فائل

---

HYDERABAD/ KARACHI: یمن میں اتحادی افواج نے دارالحکومت صنعا میں باغیوں کے ٹھکانوں کو نشانہ بنایا جس میں 9 افراد ہلاک اور 80 سے زائد زخمی ہوگئے۔

غیر ملکی خبر رساں ادارے کے مطابق اتحادی افواج نے سابق یمنی صدر علی عبداللہ صالح اور ان کے عزیز و اقارب کے رہائشی علاقے بیت میعاد کو نشانہ بنایا جس کے نتیجے میں 9 افراد ہلاک اور 80 زخمی ہوگئے، زخمیوں کو صنعا کے قریبی اسپتالوں میں منتقل کردیا گیا ہے جن میں سے بعض افراد کی حالت تشویشناک ہے۔

واضح رہے کہ گزشتہ 2 ماہ سے جاری اتحادی افواج اور یمنی باغیوں کے درمیان لڑائی میں اب تک 2 ہزار 584 افراد جان سے جا چکے ہیں جب کہ 11 ہزار سے زائد زخمی ہوئے۔