شاہ رخ خان اور کاجول طویل عرصے بعد ایک ساتھ اسکرین پر جلوہ گرہوں گے

اداکار شاہ رخ خان اور کاجول نے 2010 میں ریلیز ہونے والی فلم’’مائی نیم از خان‘‘ میں بھی ایک ساتھ اداکاری کے جوہر دکھائے تھے، فوٹو:فائل

---

ISLAMABAD: بالی ووڈ کے کنگ شاہ رخ خان اوراداکارہ کاجول کی مشہور جوڑی ایک بار پھر فلم''دل والے'' میں جلوہ بکھیریں گے۔

بالی ووڈ کنگ شاہ رخ خان اوراداکارہ کاجول کی جوڑی بھارتی فلم انڈسٹری کی مشہورترین جوڑی تصور کی جاتی ہے دونوں اداکاروں کی جوڑی نے بالی ووڈ کو کئی بلاک بسٹرفلمیں دی ہیں جس میں مشہور زمانہ رومانوی فلم''دل والے دلہنیا لے جائیں گے''،''کرن ارجن'' اور ''کچھ کچھ ہوتاہے'' شامل ہیں جنہیں شائقین نے بے حد پسند کیا۔ اب طویل عرصے بعد ایک بار پھر یہ جوڑی ڈائریکٹر روہت شیٹھی کی فلم''دل والے'' میں ایک ساتھ نظر آئے گی جب کہ یورپی ملک بلغاریہ میں فلم کی شوٹنگ کا آغاز ہوگیا ہے ۔

اپنے ٹوئٹرپیغام میں بالی ووڈ کنگ شاہ رخ خان نے بھی پرانے دوستوں کے ساتھ فلم کی عکس بندی پر خوشی کا اظہارکیا ۔

“Count ur age by friends, not years. Count ur life by smiles, not tears.”Lennon. By that maxim this team is ageless. pic.twitter.com/nJ8GVvsjnf

— Shah Rukh Khan (@iamsrk) June 12, 2015

اداکارہ کاجول کا اپنے ٹویٹ میں کہنا تھا کہ طویل عرصے بعد اپنے پرانے دوست کے ہمراہ کیمرے کے سامنے کام کررہی ہوں۔

Back in front of the camera with an old friend after a very long time. You might know him. @iamsrk pic.twitter.com/CwGtOHXYHQ

— Kajol (@itsKajolD) June 13, 2015

واضح رہے کہ اداکار شاہ رخ خان اور کاجول نے 2010 میں ریلیز ہونے والی فلم''مائی نیم از خان'' میں بھی ایک ساتھ اداکاری کے جوہر دکھائے تھے۔