جیکولین نے ودیا بالن کی تعریفوں کے پل باندھ دیئے

اداکارہ جیکولین فرنینڈس اپنی نئی آنے والی فلم’’برادرز‘‘ کی شوٹنگ میں مصروف ہیں فوٹو:فائل

---

بالی ووڈ کی سری لنکن اداکارہ جیکولین فرنینڈس نےڈائریکٹر موہت سوری کی حال ہی میں ریلیز ہونے والی فلم ''ہماری ادھوری کہانی'' میں ڈرٹی گرل ودیابالن اور عمران ہاشمی کی اداکاری کی ٹوئٹر کے ذریعے تعریف کرڈالی۔

بھارتی میڈیا کے مطابق بالی ووڈ اداکارہ جیکولین فرنینڈس نے ڈائریکٹر موہت سوری کی فلم ''ہماری ادھوری کہانی'' میں اداکارعمران ہاشمی، راجکمار راؤ اور ودیا بالن کی اداکارانہ صلاحیتوں کی تعریف کی ہے۔ اداکارہ کا کہنا تھا کہ فلم ''ہماری ادھوری کہانی'' کے کرداروں میں ودیا بالن اور راجکمار راؤ نے حقیقی رنگ بھردیا ہے جب کہ اپنے ٹویٹ پیغام میں انہوں نے کہا کہ فلم کی کہانی بہترین اور دل موہ لینی والی ہے ۔

Saw #HamariAdhuriKahani last night! Such an amazing and heart-touching story! @emraanhashmi you killed it yet again. LOVE <3

— Jacqueline Fernandez (@Asli_Jacqueline) June 12, 2015

واضح رہے کہ اداکارہ جیکولین فرنینڈس اپنی نئی آنے والی فلم''برادر'' کی شوٹنگ میں مصروف ہیں۔