امریکی قونصل جنرل مائیکل ڈوڈ مین نے کہا ہے کہ پاکستان میں ملالہ یوسف زئی پر ہونے والے حملے کی جتنی مذمت کی جائے کم ہے۔
انہوں نے ملالہ پر حملے کو آزادی اظہار پر حملہ قرار دیا، معروف امریکی صحافی ڈینئیل پرل کی یاد میں 11ہویں میوزک ڈے کے موقع پر کراچی میں اپنی رہائش گاہ پر میڈیا سے بات کرتے ہوئے انھوں نے کہا کہ امریکا پاکستان میں صحافیوں کے قتل کی شدید مذمت کرتا ہے، انھوں نے مزید کہا کہ پاکستان صحافیوں کے لئے ایک مشکل ملک ہے، امریکا کے پاکستان کے ساتھ مضبوط تعلقات معیشت، تعلیم اور دیگر تمام شعبوں کے ساتھ ساتھ ثقافت میں بھی ہیں۔