ایک ساتھ روزہ اورعید منانے کے لئے وفاق کاپختونخواحکومت سے رابطہ

رمضان اور عید ایک ساتھ منانے کے لئے ہر ممکن اقدامات اٹھائے جائیں گے، وفاقی وزیر۔ فوٹو: فائل

---

ملک بھر میں رمضان اور عید ایک ساتھ منانے کیلئے وفاقی وزیر برائے مذہبی امور سردار یوسف نے چاروں صوبائی حکومتوں اور علمائے کرام سے مشاورت شروع کردی ہے۔





ایکسپریس نیوز کے مطابق وفاقی وزیر برائے مذہبی امور سردار یوسف نے ملک بھر میں رمضان اور عید ایک ساتھ منانے کے لئے خیبر پختونخوا کے وزیر اوقاف حاجی حبیب الرحمان سمیت چاروں صوبائی حکومتوں اور علمائے کرام سے ٹیلی فونک رابطہ کیا اور انہیں رویت ہلال کمیٹی کے فیصلے پر عمل درآمد کرنے کا کہا۔ وفاقی وزیر نے کہا کہ ملک بھر میں رمضان اور عید ایک ساتھ منانے کے حوالے سے تمام مسالک کے علماء کا جلد اجلاس بلایا جائے گا اور ان سے تجاویز طلب کی جائیں گی۔



سردار یوسف کا کہنا تھا کہ خیبر پختونخوا میں تمام مسالک کے علمائے کرام سے بھی مشاورت کی جائے گی جب کہ مسجد قاسم خان کے مہتمم سے بھی رابطہ کر کے ان سے مشاورت کی جائے گی۔ ان کا کہنا تھا کہ رمضان اور عید ایک ساتھ منانے کے لئے ہر ممکن اقدامات اٹھائے جائیں گے۔





رمضان المبارک كا چاند ديكھنے كے لئے مركزی رويت ہلال كميٹی كا اجلاس 17جون كو محكمہ مو سميات كراچی كی عمارت ميں منعقد ہوگا۔زونل اور ڈسٹركٹ رويت ہلال كميٹی كا اجلاس وزارت مذہبی امور جب كہ ديگر زونل اور ڈسٹركٹ رويت ہلال كميٹيوں كے اجلاس ان كے متعلقہ مقامات پر اسی تاريخ اور وقت پر منعقد ہوں گے۔ رمضان المبارک كا چاند ديكھنے كا حتمی اعلان چيئرمين مركزی رويت ہلال کمیٹی مفتی منیب الرحمان کریں گے۔