چکوال میں مسافروین اورڈمپرکے درمیان تصادم سے 7 افراد جاں بحق10زخمی

 زخمیوں کی ڈسٹرکٹ ہیڈ کوارٹر اسپتال منتقل شروع کر دیا گیا ہے جہاں زخمیوں کی طبی امداد جاری ہے،پولیس:فوٹو فائل

---

تلہ گنگ کے قریب مسافر وین اور ڈمپر کے درمیان تصادم سے 7 افراد جاں بحق جب کہ 10 زخمی ہو گئے.

ایکسپریس نیوز کے مطابق چکوال سے میانوالی جانے والی مسافروین تلہ گنگ روڈ پر فوڈ ویلی کے قریب ڈرائیور سے بے قابوہوکرمخالف سمت سے آنے والے ڈمپر سے ٹکراگئی، حادثے کے نتیجے میں مسافروین میں سوار7 افراد موقع پرہی جاں بحق جب کہ 10 زخمی ہوگئے۔

حادثے کے بعد امدادی رضاکاروں نے لاشوں اورزخمیوں کو ڈسٹرکٹ ہیڈ کوارٹراسپتال چکوال منتقل کردیا گیا،جہاں زخمیوں کی طبی امداد جاری ہے،اسپتال انتظامیہ کا کہنا ہے کہ زخمیوں میں سے 3 کی حالت تشویش ناک ہے۔