گورنر خیبر پختونخوا بیریسٹر مسعود کوثر نے کہا ہے کہ شمالی وزیرستان میں آپریشن کا فیصلہ آسان نہیں ہے۔

درہ آدم خیل بم دھماکے کے زخمیوں کی عیادت کے بعد لیڈی ریڈنگ اسپتال میں میڈیا سے بات چیت کرتے ہوئے مسعود کوثر نے کہا کہ ملالہ یوسف زئی پر حملے سے قوم نے دہشت گردوں کا اصل چہرہ دیکھ لیا ہے اور ان کے خلاف پشاور سے کراچی تک پوری قوم متحد ہے۔

گورنر خیبر پختونخوا نے کہا کہ شمالی وزیرستان میں آپریشن کا فیصلہ کوئی زبانی جمع خرچ نہیں ہے اور فیصلہ عسکری اور سیاسی قیادت مشاورت سے کرے گی۔