رمضان المبارک کا چاند کل نظر آنے کا امکان ہے محکمہ موسمیات

محکمہ موسمیات کا کہنا ہے کہ کل مطلع صاف ہوگا اس لئے چاند نظر آنے کے قومی امکانات ہیں۔


ایکسپریس نیوز کے مطابق محکمہ موسمیات کا کہنا ہے کہ کل مطلع صاف ہوگا اس لئے کل شام 7 بجکر 5 منٹ پر چاند نظر آنے کے امکانات ہیں جس کے بعد جمعرات کو پہلا روزہ ہوگا۔ محکمہ موسمیات کے مطابق رمضان المبارک کا چاند دیکھنے کا دورانیہ 38 منٹ ہوگا جب کہ نئے چاند کی عمر 24 گھنٹے 44 منٹ ہے۔

دوسری جانب مرکزی رویت ہلال کمیٹی کا اجلاس کل کراچی میں محکمہ موسمیات کے دفتر میں ہوگا جس کی صدارت چیئرمین رویت ہلال کمیٹی مفتی منیب الرحمان کریں گے۔