امریکا میں فلیٹ کی بالکونی گرنے سے 5 غیر ملکی طلباء سمیت 6 افراد ہلاک

مرنے والوں میں 5 کا تعلق آئر لینڈ جب کہ ایک کا تعلق کیلی فورنیا سے ہے۔ فوٹو: رائٹرز

---

ISLAMABAD: برکلے میں فلیٹ کی بالکونی گرنے سے 5 غیر ملکی طلباء سمیت 6 افراد ہلاک جب کہ 7 زخمی ہو گئے۔

غیر ملکی خبر رساں ادارے کے مطابق امریکی ریاست کیلی فورنیا کے شہر برکلے میں کچھ طلباء ایک فلیٹ میں اپنے دوست کی سالگرہ منا رہے تھے کہ اچانک بالکونی گرنے سے 6 طلباء بلاک جب کہ 7 زخمی ہو گئے، ہلاک ہونے والوں میں سے 5 کا تعلق آئر لینڈ جب کہ ایک کا تعلق کیلی فورنیا سے تھا۔

برکلے پولیس ترجمان کا کہنا ہے کہ واقعہ میں زخمی ہونے والوں کو بھی شدید قسم کی چوٹیں آئی ہیں تاہم انہیں طبی امداد دی جا رہی ہے۔ دوسری جانب آئرش وزیراعظم نے واقعہ پر شدید افسوس کا اظہار کیا ہے۔