فیس بک پر امیتابھ کے مداحوں کی تعداد 2 کروڑ سے تجاوز کرگئی

سماجی رابطے کی ویب سائٹ ٹوئٹر پر بھی بالی ووڈ اداکارامیتابھ بچن کے فالورز کی تعداد ایک کروڑ 50 لاکھ سے تجاوزکرچکی ہے، فوٹو: فائل

---

بھارتی فلم انڈسٹری کے لیجنڈ اداکار امیتابھ بچن کے سماجی رابطوں کی ویب سائٹ فیس بک پر مداحوں کی تعداد 2 کروڑ سے زائد ہوگئی ہے۔

بھارتی میڈیا کے مطابق بگ بی امیتابھ بچن سماجی رابطوں کی ویب سائٹ ٹوئٹر اور فیس بک کے ذریعے اپنے مداحوں سے رابطے میں رہتے ہیں اور اپنی فلمی مصروفیات سمیت گھریلو زندگی سے متعلق آگاہ کرتے رہتے ہیں۔ سماجی رابطوں کی ویب سائٹ فیس بک پر ان کے مداحوں کی تعدا د2 کروڑ 10 لاکھ سے تجاوز کرچکی ہے جس پر انہوں نے خوشی کا اظہار کیا ہے۔ اپنے ٹویٹ میں امیتابھ بچن نے مداحوں کا شکریہ اداکرتے ہوئے کہا کہ ''فیس بک پر ان کے مداحوں کی تعداد2 کروڑسے زائد ہوچکی ہے اور ان کا مقصد 3 کروڑ مداح بنانا ہے۔''

T 1900 - FaceBook 21 MILLION ... !! Thank you all .. aiming for 30 MILLION now !! and then more .. !! YEAAAAHHHHHHHH !! BAAADOOOMBA !!

— Amitabh Bachchan (@SrBachchan) June 17, 2015

واضح رہے کہ سماجی رابطے کی ویب سائٹ ٹوئٹر پر بالی ووڈ اداکارامیتابھ بچن کے فالورز کی تعداد ایک کروڑ 50 لاکھ سے تجاوزکرچکی ہے۔