کورکمانڈر کراچی لیفٹیننٹ جنرل نوید مختار کا رینجرز ہیڈ کوارٹرکا دورہ

رینجرز حکام کی جانب سے کورکمانڈرکو کراچی آپریشن اور امن و امان صورتحال سے متعلق بریفنگ دی۔ فوٹو: ایکسپریس نیوز

---

کورکمانڈر کراچی لیفٹیننٹ جنرل نوید مختار نے رینجرز ہیڈکوارٹر کا دورہ کیا جہاں انہیں شہرقائد میں امن و امان کی صورتحال پر بریفنگ دی گئی۔

ایکسپریس نیوز کے مطابق کورکمانڈر کراچی رینجرز ہیڈکوارٹر پہنچے تو ڈی جی رینجرز سندھ میجر جنرل بلال اکبر نے ان کا استقبال کیا۔ جس کے بعد رینجرز حکام نے لیفٹیننٹ جنرل نوید مختار کو کراچی میں جاری ٹارگٹڈ آپریشن سمیت امن و امان کی صورتحال پر بریفنگ دی جب کہ کورکمانڈر کراچی نے کراچی آپریشن پر اطمینان کا اظہار کرتے ہوئے رینجرز کی کارکردگی کو سراہا۔