دبنگ خان نے تینوں خانز کو ایک ساتھ فلم میں کاسٹ کرنا نا ممکن قرار دیدیا

دبنگ خان اپنی نئی آنے والی فلم’’بجرنگی بھائی جان‘‘ میں اداکارہ کرینہ کپور کے ساتھ جلوہ گر ہوں گے، فوٹو:فائل

---

KARACHI: بالی ووڈ کے دبنگ سپر اسٹارسلمان خان نے تینوں خانز کو ایک فلم میں کاسٹ کرنا نا ممکن قرار دے دیا ہے۔

گزشتہ کئی روز سے بالی ووڈ پر حکمرانی کرنے والے تینوں خانز کے ایک فلم میں ساتھ کام کرنے سے متعلق خبریں گردش کررہی تھیں جس کی سلمان خان نے محتاط انداز میں تردید کردی۔ بھارتی میڈیا کے مطابق سلمان خان کا کہنا تھا کہ آج کوئی پروڈیوسر ایک خان کے ساتھ فلم بنانے کا متحمل نہیں ہوسکتا تو تینوں خانز کو برداشت کرنا ناممکن ہے جب کہ ہم تینوں ایک ساتھ فلم میں کام کرنا پسند کریں گے۔ انہوں نے کہا کہ شاہ رخ خان اور عامر خان جگری بھائی ہیں جب کہ ان کی جانب سے نئی فلم کی تشہیری مہم میں حصہ لینے پر خوشی ہوئی ہے جس پر ان کا شکر گزار ہوں۔

واضح رہے کہ دبنگ خان اپنی نئی آنے والی فلم ''بجرنگی بھائی جان'' میں اداکارہ کرینہ کپور کے ساتھ جلوہ گر ہوں گے۔