وزیراعظم نوازشریف نے رمضان المبارک میں سزائے موت کے مجرموں کی سزا پر عملدرآمد معطل کرنے کی ہدایت کی ہے۔

ایکسپریس نیوز کے مطابق وزیراعظم نوازشریف نے رمضان المبارک میں سزائے موت کے مجرموں کی سزا پر عملدرآمد روکنے کی ہدایت کرتے ہوئے کہا ہےکہ جن مجرموں کی سزا پر عملدرآمد رمضان المبارک میں ہونا تھا ان کو عارضی طور پر معطل کیا جائے تاکہ رمضان کے مقدس مہینے کے تقدس کو برقرار رکھا جائے۔

وزیراعظم نوازشریف کی جانب سے اس سلسلے میں وزارت داخلہ اور صوبائی حکومتوں کو بھی موثر عملدرآمد یقینی بنانے کی ہدایات جاری کردی گئی ہیں۔