برنس روڈنوجوان نے سپر اسٹور لوٹنے کی کوشش ناکام بنادی

موٹر سائیکل سوار ملزمان مختلف کمپنیوں کی 10 گاڑیوں و سیلزمینوں کو لوٹ چکے. فوٹو: آئی این پی

---

برنس روڈ پر ایک نوجوان نے سپر اسٹور پر ڈکیتی کی کوشش ناکام بنا دی۔

ملزم اپنے ساتھی سمیت فرار ہو گیا ، برنس روڈ ، پاکستان چوک اور اس سے متصل علاقوں میں کمپنیوں کا سامان سپلائی کرنیوالی گاڑیوں سے لوٹ مار میں اضافہ ہوگیا ہے ،تفصیلات کے مطابق برنس روڈ سے متصل محمد بن قاسم روڈ پر واقع کراچی سپر اسٹور میں ڈکیتی کی نیت سے داخل ہونیوالے ایک مسلح ملزم کو ایک نوجوان نے پکڑنے کی کوشش کی جس پر ملزم سپر اسٹور کے باہر اسٹارٹ موٹر سائیکل پر کھڑے اپنے ساتھی کے ہمراہ فرار ہو گیا۔

عینی شاہدین نے بتایا کہ ملزم نے اسٹور میں داخل ہو کر وہاں موجود خریداروں کو اسلحے کے زور پر ہاتھ اوپر اٹھانے اور خاموش رہنے کیلیے کہا تھا تاہم اسی دوران علاقے کا رہائشی ایک بہادر نوجوان دکان میں داخل ہوا اور اس نے ملزم کے اسلحے کو نظر انداز کرتے ہوئے اسے پکڑنے کی کوشش کی،عینی شاہدین نے بتایا کہ گذشتہ دو ہفتے میں موٹر سائیکل سوار ملزمان مختلف کمپنیوں کی 10سے زائد گاڑیوں کے سیلزمینوں کو لوٹ چکے ہیں اور پولیس کسی بھی ملزم کو گرفتار نہیں کرسکی ہے۔