ممبئی میں شدید بارشوں کے باعث ایشوریا رائے کی فلم’’جذبہ ‘‘ کی شوٹنگ ملتوی

مون سون کی شدید بارشوں کے باعث فلم کی شوٹنگ ملتوی کی گئی، فوٹو:فائل

---

سابق حسینہ عالم اور بالی ووڈ اداکارہ ایشوریا رائے کی فلم''جذبہ'' کی شوٹنگ بارش کے باعث ملتوی کردی گئی ہے۔

بھارتی میڈیا کے مطابق بالی ووڈ حسینہ ایشوریا رائے کی طویل عرصے بعد بھارتی فلم نگری میں فلم ''جذبہ '' کے ذریعے واپسی ہوئی ہے جب کہ فلم میں ایشوریارائے بچن مرکزی کردار نبھائیں گی تاہم ممبئی میں جاری بارشیں فلم کی شوٹنگ کے آڑے آگئی ہیں اور شدید مون سون بارشوں کے باعث فلم کی آج سے شروع ہونے والی شوٹنگ ملتوی کردی گئی ہے۔

دوسری جانب فلم ڈائریکٹرسنجے گپتا نے اپنے ٹویٹ میں بارش کے باعث فلم کی شوٹنگ ملتوی ہونے کی تصدیق کی ہے۔

Mumbai monsoon chalu aur aaj apni shooting bandh.
First day of our second last schedule of JAZBAA cancelled.

— Sanjay Rajprakash Gupta (@_SanjayGupta) June 19, 2015

واضح رہے کہ فلم ''جذبہ'' میں ایشوریہ رائے بچن کے ساتھ اداکارعرفان خان اور جیکی شروف جلوہ گر ہوں گے۔