شاہ رخ خان کی  نئی فلم ’’دل والے‘‘میں پرانے سپر ہٹ گیت شامل کرنے کا فیصلہ  

بالی ووڈ کی فلم’’دل ول پیار ویار‘‘ میں پرانے گانے شامل کرنے کاتجربہ کیاگیا تھا جو بے حد کامیاب ثابت ہواتھا، فوٹو: فائل

---

ISLAMABAD: بالی ووڈ کے کنگ شاہ رخ خان اور کاجول کی نئی فلم ''دل والے'' میں سپر ہٹ رومانوی گانے شامل کیے جائیں گے۔

مشہور کہاوت ''اولڈ از گولڈ'' کو بھارتی فلم نگری نے درست ثابت کردیا ہے ۔ بھارتی میڈیا کے مطابق بالی ووڈ کی مشہور جوڑی شاہ رخ اور کاجول کی فلم ''دل والے'' میں پرانے سپر ہٹ گیت شامل کرنے کا فیصلہ کیا گیا ہے۔ فلم ڈائریکٹر روہت شیٹھی اور کنگ خان نے باہمی مشورے سے فیصلہ کیا ہے کہ فلم میں کوئی نیا گانا نہیں شامل کیا جائے گا جب کہ تمام گانے اداکارشاہ رخ خان اور کاجول کی سپر ہٹ رومانوی فلموں سے لیے جائیں گے۔

واضح رہے کہ بالی ووڈ کی فلم''دل ول پیار ویار'' میں پرانے گانے شامل کرنے کاتجربہ کیاگیا تھا جو بے حد کامیاب ثابت ہواتھا۔