HARIPUR: کرنسی اسمگلنگ کیس میں گرفتار ماڈل ایان علی کی اڈیالہ جیل میں قید کی سنچری (100 دن) مکمل ہوگئی ہے۔
ماڈل کو کسٹم پولیس نے 14 مارچ کو گرفتار کرکے جیل بھیجا تھا۔ ماڈل ایان جیل میں باقاعدہ روزے بھی رکھ رہی ہیں اور زیادہ وقت سوکر گزارنے لگی ہے۔

ماڈل سے گزشتہ روز خاتون وکیل شائستہ وہاب سے بھی ملاقات کی۔ لاہور پرنسپل سیٹ پر ضمانت کی درخواست دائر کرنے کے بعد خاتون وکیل کی ان سے پہلی ملاقات تھی۔ گرفتار ماڈل جیل میں تنگ ضرور ہیں مگر ابھی بھی گرفتاری کے وقت دیے گئے اپنے موقف پر سختی کے ساتھ قائم ہیں کہ ان سے برآمد ہونیوالی رقم ان کی اپنی ہے۔