کراچی کے مختلف علاقوں میں شدید گرمی کے بعد بوندا باندی

گزشتہ روز کراچی میں درجہ حرارت 10 برس بعد 45 ڈگری سے بھی بڑھ گیا تھا فوٹو: فائل

---

شہر قائد میں گزشتہ روز ریکارڈ توڑ گرمی کے بعد موسم میں بہتری آئی ہے اور محکمہ موسمیات نے آج بارش کی پیش گوئی کی ہے۔

ملک کے دیگر علاقوں کی طرح کراچی بھی گزشتہ کئی روز سے شدید گرمی کی لپیٹ میں ہے اور گزشتہ روز درجہ حرارت 10 برس بعد 45 ڈگری سے بھی بڑھ گیا تھا تاہم آج شہر کا موسم قدرے بہتر ہے۔ جس کی وجہ سے لوڈ شیڈنگ کے مارے شہریوں نے چھٹی کے روز سکھ کا سانس لیا، موسم سے لطف اندوز ہونے کے لئے بڑی تعداد میں لوگ ساحل سمندر پہنچ گئے۔

کراچی اور گرد و نواح میں موسم جزوی طورپر ابر آلود رہا جب کہ کئی علاقوں میں بوندا باندی بھی ہوئی، محکمہ موسمیات نے شہر میں آج کہیں ہلکی اور کہیں تیز بارش کی پیش گوئی کی ہے۔