کوئٹہنامعلوم افرادکی گاڑی پر فائرنگ2افراد ہلاک 3زخمی

کوئٹہ: عبدالستار روڈ پر پولیس اہلکار نامعلوم افراد کی فائرنگ کا نشانہ بننے والی گاڑی کا معائنہ کررہا ہے۔ فوٹو: این این آئی

---

کوئٹہ میں عبدالستار روڈ پر نامعلوم افراد نے گاڑی پر فائرنگ کرکے دو افراد کو ہلاک اور 3کو زخمی کردیا فائرنگ سے علاقے میں خوف وہراس پھیل گیا بازار بند ہوگیا لوگوں میںبھگدڑمچ گئی۔

تفصیلات کے مطابق اتوار کی شب نامعلوم مسلح افراد نے کوئٹہ کے گنجان آباد علاقے عبدالستار روڈ پر ایک گاڑی پر اندھا دھند فائرنگ کردی جس کے نتیجے میں حاجی محمد اسحاق سمیت دو افراد جاں بحق جبکہ تین افراد شدید زخمی ہوگئے حملہ آورموقع سے فرار ہونے میں کامیاب ہوگئے فائرنگ سے علاقے میںخوف وہراس پھیل گیا فائرنگ سے لیاقت بازار آرچر روڈ عبدالستار روڈ سمیت ملحقہ بازار بند ہوگئے۔

واقعہ کی اطلاع ملنے پر پولیس اور فرنٹیئر کور کا عملہ موقع پر پہنچ گیا جس نے علاقے کو گھیرے میں لیکر لاشوں اورزخمیوں کو سول اسپتال پہنچادیا زخمیوں کو ابتدائی طبی امداد کے بعد سی ایم ایچ منتقل کردیا گیا مزید کارروائی پولیس کررہی ہے، پولیس کے مطابق جاں بحق اور زخمیوں کا تعلق ہزارہ برادری سے ہے۔