ترک خاتون اول کا ’’ہار‘‘ اپنے پاس رکھنے پر یوسف رضا گیلانی کو نوٹس جاری

اگر سابق وزیراعظم نے منگل تک ہار واپس نہ کیا ان کے خلاف مقدمہ درج کر دیا جائے گا، ذرائع ایف آئی اے فوٹو:فائل

---

LALAMUSA: ایف آئی اے نے ترک خاتون اول کے ہار کے معاملے پر سابق وزیراعظم یوسف رضا گیلانی کو قانونی نوٹس بھجوادیا ہے۔

ایکسپریس نیوز کے مطابق ایف آئی اے نے ترک وزیراعظم کی اہلیہ کے ہار کے معاملے پر سابق وزیراعظم یوسف رضا گیلانی کو قانونی نوٹس بھجوادیا ہے۔ ذرائع ایف آئی اے کا کہنا ہے کہ اگر سابق وزیراعظم نے منگل تک ہار واپس نہ کیا ان کے خلاف دفعہ 403 کے تحت امانت میں خیانت کا مقدمہ درج کر دیا جائے گا۔

واضح رہے کہ اُس وقت کے ترک وزیراعظم اورموجودہ صدر رجب طیب اردگان کی اہلیہ کی جانب سے 2010 میں پاکستان کے سیلاب متاثرین کے لیے عطیہ کردہ گمشدہ ہار کا معمہ چند روز قبل اس وقت حل ہوا جب سابق وزیراعظم یوسف رضا گیلانی نے اعتراف کیا کہ وہ ہار ان کے پاس ہے۔