عالیہ بھٹ فلم کی شوٹنگ کے دوران زخمی ہوگئیں

بالی ووڈ اداکارہ اپنی نئی آنے والی فلم’’کپور اینڈسنز‘‘ کی شوٹنگ میں مصروف ہیں، فوٹو:فائل

---

بالی ووڈ کی خوبرو اداکارہ عالیہ بھٹ فلم '' کپور اینڈ سنز'' کی شوٹنگ کے دوران زخمی ہوگئیں جس کی اطلاع انہوں نے ٹوئٹر پیغام کے ذریعے مداحوں کودی۔

اداکارہ عالیہ بھٹ دائیں کندھے میں چوٹ لگنے کے باعث عالمی یوم یوگا کی تقریبات میں شریک نہیں ہوسکیں۔ اداکارہ نے سماجی رابطوں کی ویب سائٹ ٹوئٹر کے ذریعے مداحوں کواپنے زخمی ہونے کی اطلاع دی تاہم زخمی ہونے کی وجوہات سامنے نہیں آسکیں ۔ اپنے ٹویٹ پیغام میں عالیہ بھٹ کاکہنا تھاکہ کندھے میں معمولی انجری ہے جو 2 ہفتوں میں ٹھیک ہوجائے گی جب کہ وہ نیک تمناؤں کے اظہار پر سب کی شکر گزار ہیں۔

Thank you all for your wishes.. Shoulder injury at an early stage.. No stress I shall be fit and fine in 2 weeks!!! Time to become a lefty;)

— Alia Bhatt (@aliaa08) June 22, 2015

واضح رہے کہ بالی ووڈ اداکارہ اپنی نئی آنے والی فلم''کپور اینڈسنز'' کی شوٹنگ میں مصروف ہیں۔