ایشوریا اوررندیپ پہلی بار ایک ساتھ فلم میں جلوہ گر ہوں گے

اداکارہ ایشو ریا رائے بچن اپنی نئی آنے والی فلم’’جذبہ‘‘ کی شوتنگ میں مصروف ہیں، فوٹو:فائل

---

بھارتی جاسوس سربجیت سنگھ کی زندگی پر بننے والی فلم میں اداکار رندیپ ہودا اور ایشوریارائے بچن مرکزی کردار اداکریں گے۔

بھارتی میڈیا کے مطابق بھارتی جاسوس سربجیت سنگھ کی زندگی پر بننے والی فلم میں سابق ملکہ حسن ایشوریا رائے ان کی بہن دلبیر کور کا کردار نبھائیں گی جب کہ دلبیر کور کا کردار اپنے بھائی کی رہائی سے متعلق کوششوں کے گرد گھومتا ہے۔ رندیپ ہودا اور ایشوریا رائے پہلی بار کسی فلم میں ایک ساتھ جلوہ گر ہوں گے، فلم ڈائریکٹر اومنگ کمار نے بھی اپنے ٹویٹ پیغام میں دونوں اداکاروں کی فلم میں شمولیت کی تصدیق کی ہے۔

 

واضح رہے کہ بالی ووڈ اداکارہ ایشوریا رائے اپنی نئی آنے والی فلم''جذبہ'' کی شوٹنگ میں مصروف ہیں۔